Jaamacadda Boosaaso Garoowe oo Qabatay Toddobaadka Tiknolojiyadda 2026

Garoowe, 24 Sebtembar 2026 – Jaamacadda Boosaaso Garoowe ayaa qabatay barnaamijka Toddobaadka Tiknolojiyadda (Technology Week), kaas oo ay ardaydu ku soo bandhigeen hal-abuurro iyo mashaariic kala duwan oo la xiriira cilmiga tiknolojiyadda iyo aqoonta ay ka barteen jaamacadda. Barnaamijkan oo socday muddo saddex maalmood ah ayaa waxaa soo agaasintay Kulliyadda Culuumta Tiknolojiyadda (Faculty of Computer Science and Technology), waxaana ka soo qayb galay masuuliyiin ka socday Dowladda Puntland. Toddobaadka Tiknolojiyadda ayaa fursad muhiim ah u noqday ardayda si ay u muujiyaan aqoontooda, xirfadahooda farsamo iyo awooddooda hal-abuur, iyaga oo soo bandhigay mashaariic ka tarjumaya fahamka ay ka heleen waxbarashadooda jaamacadeed iyo sida tiknolojiyadda loogu adeegsan karo xal u helidda baahiyaha bulshada. Barnaamijkan ayaa sidoo kale dhiirrigelinaya isku xidhka aqoonta fasalka iyo ku-dhaqankeeda, horumarinta fikirka hal-abuurka leh iyo kobcinta xirfadaha ardayda ee dhinacyada tiknolojiyadda iyo cilmiga kombiyuutarka. Waxa uu ardayda siinayaa fursad ay ku soo bandhigaan kartidooda, kuna xoojiyaan diyaar-garowgooda suuqa shaqada iyo hal-abuurka ganacsi. Ka soo qaybgalka masuuliyiinta Dowladda Puntland ayaa muujinaya muhiimadda ay leedahay iskaashiga u dhexeeya hay’adaha waxbarashada iyo dowladda, gaar ahaan horumarinta aqoonta, tiknolojiyadda iyo xirfadaha dhallinyarada. Jaamacadda Boosaaso Garoowe waxay ka go’an tahay dhiirrigelinta hal-abuurka, tayaynta waxbarashada iyo diyaarinta arday leh aqoon iyo xirfado ay kaga qayb qaataan horumarka bulshada. Toddobaadka Tiknolojiyadduna waa qayb ka mid ah dadaalladaas lagu kobcinayo kartida ardayda iyo adeegsiga tiknolojiyadda si loo helo xalal waxtar leh. Jaamacadda Boosaaso Garoowe – Building Better Community.